شو إذا أعطى زبوني معلومة غلط؟
هالسؤال هو الشغل. المساعد بيجاوب من محتواك أنت فقط، وممنوع عليه يخترع سعر أو ميزة أو مدة، ووقت ما ما يعرف بيوجّه لواتساب. منختبره على أسئلة حقيقية قبل التشغيل ومنفرجيك النتيجة.
ذكاء اصطناعي يعرف شغلك.
منبني مساعد يجاوب زوارك أو موظفينك بالعربي من معلوماتك أنت مو من الإنترنت، ومنستخدم الذكاء الاصطناعي بشغلات عملية متل قراءة الفواتير وأرشفة المستندات والترجمة.
المساعد اللي عم تحكي معو هلق
مبني عنا. بيجاوب من صفحات هالموقع بس، وممنوع عليه يخترع سعر أو ميزة، ووقت ما يعرف يوجّهك لواتساب. هالضوابط هي أهم شي بالموضوع: مساعد يقول لزبونك معلومة غلط عن سعر أسوأ من ما يكون في مساعد.
مساعد على موقعك
يجاوب أسئلة زوارك بالعربي والإنجليزي من محتوى موقعك ومستنداتك، ويسلّم لإنسان وقت ما يلزم.
- قاعدة معرفة مبنية من ملفاتك
- ضوابط تمنعو يخترع
- تقرير بأسئلة زباينك الحقيقية
مساعد داخلي لفريقك
يجاوب موظفينك عن سياسات الشركة والإجراءات، بدل ما يسألوا نفس السؤال كل مرة. ومنقدر نربطو بنظامك ليجاوب عن المخزون وحالة الطلب من بيانات حقيقية.
من الورق لبيانات
قراءة المستندات والفواتير العربية وتحويلها لأرقام تدخل حساباتك.
بحث بملفات شركتك
اسأل سؤال، خود الجواب مع المصدر. عقود، أدلة، سياسات.
ترجمة ومحتوى
كاتالوج كامل أو موقع كامل، عربي وإنجليزي، بمصطلحات ثابتة.
ولو الجواب إنك ما محتاج
في شغلات الذكاء الاصطناعي ما يحلها، وفي شغلات يحلها سكربت بسيط أرخص بكتير. منعمل تقييم مدفوع ومنقلك بصراحة إذا في فايدة أو لأ، ومنقلك كمان أي معلومات لازم ما تحطها بهالأدوات.
لمين هالخدمة
- عندك أسئلة بتتكرر من زباينك كل يوم.
- عندك مستندات كتير وصعب تلاقي المعلومة فيها.
- بدك حدا يجاوب برا وقت الدوام بدون ما يخترع.
- عندك ورق وفواتير بدك تحوّلها لبيانات.
ولمين مو مناسبة
- بدك مساعد يقنع ويبيع. مو هاد اللي منعملو.
- ما عندك محتوى مكتوب بعد. المساعد بيجاوب من محتواك، فإذا ما في محتوى ما في جواب.
- بدك تستبدل فريق الدعم كله. المساعد بيفلتر ويوفّر وقت، مو بيلغي الناس.
المخاوف الحقيقية، وجوابها
شو إذا أعطى زبوني معلومة غلط؟
هالسؤال هو الشغل كله. المساعد بيجاوب من محتواك فقط، وممنوع عليه يخترع سعر أو ميزة أو مدة، ووقت ما ما يعرف بيوجّه لواتساب. منختبره على أسئلة حقيقية قبل التشغيل ومنفرجيك النتائج. المساعد اللي عم تحكي معه على هالموقع مبني بنفس الضوابط — جرّبه.
وين بتروح بيانات شركتي؟
منقلك بالضبط شو بينبعت للموديل وشو بيضل عندك، ومنقلك كمان شو المعلومات اللي الأفضل ما تدخل هالأدوات أصلاً. هاد جزء من الشغل مو ملاحظة صغيرة بالآخر.
كيف منبني مساعد
-
منجمع معرفته
من موقعك ومستنداتك وأسئلة زباينك المتكررة. هي نص الشغل، مو خطوة تحضيرية.
-
منحط الضوابط
شو مسموح يقول، وشو ممنوع، وإيمتى يوقف ويسلّم لإنسان.
-
منختبر على أسئلة حقيقية
بأسئلة من عندك أنت، عربي وإنجليزي، ومنفرجيك الأجوبة قبل ما يشوفه أي زبون.
-
منشغّل ومنتابع
محتواك بيتغيّر وأسئلة زباينك بتتغيّر. المتابعة بتشمل تحديث معرفته ومراجعة المحادثات.
أسئلة عن هالخدمة
وين بتروح بيانات شركتي؟
منحكي بالضبط شو بيتبعت للموديل وشو بيضل عندك، ومنقلك شو المعلومات اللي الأفضل ما تدخل هالأدوات أصلاً. هاد جزء من الشغل مو ملاحظة صغيرة بالآخر.
بيحتاج متابعة بعد التركيب؟
نعم. محتواك بيتغيّر، وأسئلة زباينك بتتغيّر، والمساعد المتروك لحاله بيقدم. المتابعة بتشمل تحديث المعرفة ومراجعة المحادثات.
بيقدر يشتغل بالعربي واللهجة؟
نعم، وهاد اللي منختبره أول شي. مو كل نموذج بيفهم العربي منيح، فمنجرّب أكتر من واحد على أسئلتك أنت قبل ما نختار.